Шəhри Чаллы

Рөстәм Миңнеханов һәм Сергей Чемезов «КАМАЗ» футбол мәктәбендә тәрбияләнүчеләр белән очраштылар

Чаллыда Татарстан Республикасы Президенты Рөстәм Миңнеханов һәм «Ростех» корпорациясе генераль директоры Сергей Чемезов «КАМАЗ» футбол мәктәбендә тәрбияләнүчеләр белән очраштылар.

Чаллыда Татарстан Республикасы Президенты Рөстәм Миңнеханов һәм «Ростех» корпорациясе генераль директоры Сергей Чемезов «КАМАЗ» футбол мәктәбендә тәрбияләнүчеләр белән очраштылар. 

 «КАМАЗ» мәктәбендә тәрбияләнүчеләр Россия Премьер-лигасы командасы өчен чыгыш ясыйлар. Бу мәктәпне тәмамлаганнар арасында күренекле футболчылар – Александр Бухаров («Ростов» ФК), Ризван Уциев («Ахмат» ФК), Игорь Коронов һәм  Сергей Бреев («Оренбург» ФК).

Рөстәм Миңнеханов ассызыклаганча, республикада футбол бик популяр. Бүген рәсми рәвештә футбол белән 47 мең кеше шөгыльләнә, шулардан 8 мең бала спорт мәктәпләрендә. Татарстанда 61 тулы үлчәмле стадион һәм 800дән  артык футбол мәйданчыгы бар. «Без яшь спортчылар белән эшләүнең бу формасын хуплыйбыз. Илкүләм клубларда безнең егетләр уйнар, дип ышанабыз», - диде Татарстан Президенты. 

«Бүген без Футбол буенча дөнья чемпионатында катнашабыз. Иртәгә „Казан-Арена“ стадионында бик кызыклы уен булачак. Россия җыелма командасының шансы зур, дип өметләнәбез», - диде Рөстәм Миңнеханов.

Үз чиратында Сергей Чемезов «КАМАЗ» футбол мәктәбендә тәрбияләнүчеләргә спортта уңышлар һәм киләчәк бөтендөнья чемпионатларында катнашуларын теләде. Очрашу кысаларында шулай ук иң яхшы тренерлар һәм тәрбияләнүчеләр бүләкләнде.

http://mdms.tatarstan.ru/tat/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: