Чаллыда Сабантуй тәкәләрен шампунь белән юачаклар

Чаллы Сабан туена әзерлек бара. Ул бу шимбә, 15 июнь көнне узачак. Милли көрәш батырларына 4 тәкә әзерләделәр.

«Берсе ир-атлар арасындагы абсолют батырга, икенчесе – яшүсмерләр арасындагы батырга, өченчесе – физик мөмкинлекләре чикле көрәшчеләр арасында җиңеп абсолют батыр исемен яулаучыга тапшырылачак. Тәкәнең дүртенчесе, кечкенәсе, балалар арасындагы көрәштә җиңүчегә биреләчәк», – диде М.Ш. Бибишев исемендәге "Витязь" спорт мәктәбе директоры Артур Фролов. 

Искәртергә кирәк, тәкәләрне батырларга чиста килеш тапшыралар. Бәйрәм алдыннан аларны шампунь белән юачаклар да әле.