Тартып алынган автобусларны КАМАЗ саткан

Хәзер Чаллы халкы микроавтобусларда йөреп интегә. Бигрәк тә коляскалы инвалидлар, бәби арбалы әниләр кече автобусларга керә алмыйлар. Бу хәл 2020 елның февраленнән бирле дәвам итә. КАМАЗ берләшмәсеннән Чаллы хакимияте зур автобусларны лизингка алган иде, әммә бурычын түли алмаганга кире тартып алды.

Зур автобусларны автогигант инде сатып бетергән, кемгә икәне сер булып кала. Шәһәр хакимияте исә тиздән Чаллыга башка юл белән зур пассажир автобусларын кайтарачакбыз дип ышандыра.