Татарстанда һава торышы үзгәрә

Атна уртасыннан антициклон йогынтысында температура төшә, бигрәк тә төнлә. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Шулай итеп, чәршәмбе, 29 мартта, һава температурасы +2..-3 градус була. Көндез +6..+11 градуска кадәр җылыта. Явым-төшем ихтималы аз. Чаллыда исә бу көнне термометр баганасы -1 градуска кадәр төшәчәк. 

30 мартта, төнлә аз гына яңгыр яварга мөмкин. Һава температурасы шулай ук -1, +4 градуска кадәр төшә.

Әмма көндез көнбатыш циклон атмосфера фронты республикага бераз яңгыр һәм көчле җил алып килә. Ул көньяк-көнчыгыштан, урыны белән секундына 15-20 метрга кадәр җитәргә мөмкин. Һава температурасы +8..+13 градуска кадәр күтәрелә.

Метеорологларның якынча мәгълүматлары буенча, 31 мартта һәм 1 апрельдә төбәктә җылы һава торышы саклана, бераз яңгыр яварга һәм кинәт җил чыгарга мөмкин. Төнлә һава температурасы +1..+6 градус, көндез +8..+13 градус була.