Җинаять эше кузгатылды.
Лениногорскида яшәүче 71 яшьлек хатын-кыз ике миллион сумнан артык акчасын югалткан. ТР буенча Эчке эшләр министрлыгы хәбәр итүенчә, пенсионер мошенниклар корбаны булган.
Башта Россия Пенсия Фондының ялган хезмәткәре хатын-кызга шалтыраткан, аннан смстан код алып, дәүләт хезмәтләрендәге аккаунтына кергән. Шуннан соң аның белән ФСБ ның ялган «хезмәткәре» элемтәгә керә – ул хатын-кызны янәсе террорчыларга акча күчерүне булдырмый калу белән куркыта һәм җинаять эзәрлекләве белән яный.
Пенсионер курьерга «тикшерү өчен» 2 млн сумнан артык акча биргән. Аннары аферистлар хатын-кыздан 300 мең сум таләп итә. Күрсәтелгән сумманы күчергәннән соң җинаятьчеләр элемтәгә чыгудан туктый.
Җинаять эше кузгатылды. Полиция хезмәткәрләре мошенникларны һәм аларның курьерларын эзли.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев