Татарстанга эссе килә

Алдагы көннәрдә Татарстанның көнчыгыш районнарында 33 градуска кадәр җылытачак. Яшенле яңгырлар, секундына 15–20 метрга кадәр кыска вакытлы җил исүе көтелә, дип фаразлый синоптиклар. Чаллыда да киләсе атна дәвамында эссе һава торышы сакланачак. Терекөмеш баганасы +25 +30 градус аралыгында тирбәләчәк. 

1 һәм 2 июльдә республикада кыска вакытлы яшенле яңгыр булуы бар. Шимбәгә каршы төнлә һава температурасы 13–18 градуска кадәр төшәчәк. 2 июльдә 11–16 градус булачак. Көндез 22–27 градус җылы булыр, дип өметләндерә синоптиклар.