ТР Президенты Тукай районында һәйкәл ачуда катнашачак

Ни өчен Новый поселогында?

Белгәнебезчә, Чаллы шәһәре белән янәшәдә урнашкан Тукай районынның административ үзәге юк, хакимият бинасы да, кайбер ведомство – идарәләр дә шәһәрдә урнашкан. Район җитәкчеләренең аерым район үзәге ачу планы әлегә тормышка ашырылмый. Административ үзәк итеп Кече Шилнә җирлегенә караган Маленькая страна поселогын сайлау тәкъдиме дә яклау тапмады.

Ә Новый поселогында район үзәгендә булырга тиешле объектлар инде байтак. Заманча мәдәният йорты, республика ярдәме белән төзелгән чаңгы трассасы. Узган ел гына сафка баскан ял паркында хәзер менә Бөек Тукаебызга һәйкәл торачак.