Халык артисты җитди операция кичергән

Социаль челтәрләрдә Татарстанның халык артисты Фердинад Сәлаховның хастаханәдә ятуы турында хәбәр чыккач, язылучыларыбыз: «Яраткан җырчыбызга ни булды икән», – дип шалтыраттылар.

Җырчының иҗатташ дусты Зөһрә  Сәхәбиевадан Фердинад Сәлаховның хәле турында сораштым.

«Фердинад Сәлаховның йөрәгенә җитди операция булды. Хәлен белешеп торам. Аллаһка шөкер, әкрен генә җайлана. Кискен йогышлы авыруларга бәйле рәвештә,  хастаханәләргә авырулар янына кешеләрне кертмиләр  бит. Исән-сау терелеп чыгып, тамашачыларны сөендереп яшәргә язсын аңа», – диде Зөһрә ханым. 
 

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).