Юбилей концертына килегез!

«Күңел» радиосы һәм Чаллы телевидениесенең шәһәрдәшләребезнең тормышындагы роле бәяләп бетергесез. Шушы еллар дәвамында телерадиокомпания меңләгән, миллионлаган кешенең ышанычын яулый алды. Тугры тамашачыларыбыз – бүген дә коллективны эшкә рухландыручы төп илһам чыганагы. 

Чараның тантаналы өлешендә телерадиокомпания командасын Казаннан килгән хөрмәтле кунаклар тәбрикләячәк. Ә тамашачылар алдында татар эстрадасының популяр артистлары Гүзәл Уразова, Илдар Хәкимов, Лилия Хәмитова, Зөфәр Хәйретдинов, Илсөя Бәдретдинова, Марат Яруллин, Зөлфия һәм Җәвит Шакировлар, Дәниф Шәрәфетдинов, Ильмира Нәгыймова, Рифат Зарипов чыгыш ясаячак.

Телерадиокомпания коллективы тыңлаучылары һәм тамашачылары өчен бик күп сюрпризлар һәм бүләкләр дә әзерли.

Хөрмәтле тамашачылар, без сезне уртак бәйрәмебездә көтеп калабыз!