Заманча домофоннар кыйммәткә төшәчәкме?

Чаллыда домофоннар өчен түләү системасы үзгәрә. Шәһәрнең башкарма комитеты җитәкчесе Фәрид Сәләхов шуңа кагылышлы яңа карарны имзалады. Моңарчы һәркем домофон өчен ай саен 25 сум түләсә, хәзер түләү фатир мәйданыннан чыгып исәпләнәчәк. 1 кв.м. өчен 55 тиен. 
Санап карыйк әле. Бер бүлмәле фатир 33 кв.м. тирәсе. Димәк, ай саен домофон өчен 18,2 сум түлисе була. Ике бүлмәле фатиры (54 кв.м. тирәсе) булганнар 29,7 сум түләячәк. Өч бүлмәле фатир хуҗаларына заманча домофон 40 сумга төшәчәк.