Эльбрус тавын яулаган Данир Сабиров: "Үкенгән мизгелләрем дә булды"

- Ура! Мин, Эльбрус тавының очында! Россиянең һәм Европаның иң биек ноктасы! Диңгез өстеннән 5642 метр биеклектә. Бу җиңүем җиңел генә бирелде дип әйтә алмыйм. Әмма рухи яктан тагы да көчлерәк булу өчен миңа ул бик кирәк иде. Менгән чакта килгәнемә үкенгән мизгелләрем дә булды, хәлсезләнеп тә алдым, чирләдем дә. Һава җитмәгәнлектән әле дә башым авырта. Кемнәр бу көннәрдә минем белән булган, минем өчен җан аткан - барыгызга да ихластан рәхмәт! Үз-үзеңне җиңә алу - ул иң зур җиңү! Алда тагы да зур җиңүләр көтсен! Әлеге вакытта сәхнәдән биегрәк бер җиргә дә күтәреләсе килми", - дип яза Данир Сабиров.