Гүзәл Уразовага бәхетле булыр өчен нәрсәләр кирәк?

- Минем өчен тормышта бәхетле булу өчен 5 иң мөһим бертигез кадерле әйберләр:

1. Балаларым, тормышымның яшәү мәгънәсе. Аларны сәламәт һәм бәхетле итеп күрү - иң зур бәхет. Моның өчен мин барлык көчемне бирәм.

2. Янымда яраткан, мине аңлаган, миңа көч бирүче, канатландыручы, яшәргә дәрт, иңнәремә канат куючы ирем булуы. Аннан башка әлеге тормышымны күз алдыма китерә алмыйм.

3. Яраткан һөнәрем мине тагы да бәхетле итә. Кайбер кешеләр килеп: "Гүзәл! Мин бит үлемнән калдым синең җырларны тыңлап!" дип әйтәләр. Димәк, мин юкка гына яшәмим, юкка гына җырламыйм.

4. Әти-әнием янымда. Алар минем терәкләрем. Аларның исәнлеге, сәламәт булулары минем өчен зур бәхет. Әти-әни исән чагында - без балалар.

5. Мохтаҗ кешеләргә ярдам итә алам. Аларга ярдәм иткән саен Аллаһы юлымны ача. Чын күңелдән булганга ача, - дип уртаклаша җырчы.