Юморист Данир Сабировның хатыны шаккаткан

Татарстанның атказанган артисты, юморист Данир Сабиров хатыны Миләүшәне Үзбәкстанга кунакка алып барды. 

Миләүшә биредә хатын-кызларның авыр язмышын күреп шаккаткан.

- Аларга бер дә җиңел түгел. Безне Данирның ике туган энесенең туена чакырдылар. Мин Акылҗан ападан:  "Сезнең килен кая?" дип сорадым. Ул миңа: "Килен мәктәптә укый әле.Бездә киленнәргә туйга кадәр кунакка килергә ярамый", - диде. 

Мин шок кичердем. Син мәктәптә укыйсың, ярты елдан соң туең. Сине кияүгә чыгарга ата-анаң мәҗбүр итә. Син булачак иреңне белеп тә бетермисең. Кияүгә чыгасың һәм иреңнең туганнарына хезмәт итә башлыйсың. 

Үзбәкстанда килен өстәл артына бөтенләй утырмый. Башта ишек төбендә башын иеп кунакларны каршы ала, аннары аш-су бүлмәсе белән кунаклар утырган бүлмә арасында йөгереп йөри", - дип язды ул үзенең социаль челтәрләрендә.