1 июльдән торак-коммуналь хезмәтләр өчен түләүләр арта

1 июльдән Россиядә торак-коммуналь хезмәтләр өчен күбрәк түли башлаячакбыз. Татарстанда бәяләр якынча 6,2 процентка артачак. Белгечләр сүзләренә караганда, максималь индексларны һәр төбәк мөстәкыйль рәвештә үзе билгели. 
Шул рәвешле, ТР тарифлар комитеты карары нигезендә, киләсе ай башыннан:
- эчә торган суның 1 кубометры - 25,15 сум (әлегә 24,47), 
- агымтык су өчен – 19,14 сум (әлегә 16,92), 
- Гкал җылылык өчен - 1920,53 сум (әлегә 1758,91), 
- 1 кубометр каты көнкүреш калдыкларын чыгару өчен – 508,14 (әлегә 488,59), 
- 1 киловатт электр энергиясе  өчен – 4,30 тиен (әлегә 4,11)
 түләргә туры киләчәк. Мондый бәяләр ел ахырына кадәр сакланачак.