Чаллы мэры Наил Мәһдиев шәһәрдәшләребезне Татарстан Республикасы көне белән котлый!

Татарстан формалашуның меңьеллык чорына шактый сынаулар туры килде, ул, үсеш баскычларының берсеннән икенчесенә күтәрелеп, намус белән җиңеп чыкты. Бу туган җирне ихлас яратучы, ата-бабаларыбызның гасырлар буена яшәгән гореф-гадәтләрен ихтирам итүче, алдагы буыннар казанышларына сак караган, республиканың киләчәк үсеше өчен фидакарь хезмәт куючы кешеләр аркасында мөмкин булды.

Бүген Татарстан - уникаль тарихы һәм үзенчәлекле мәдәнияте булган гаҗәеп як. Бу Россия Федерациясенең илдә генә түгел, чит илләрдә дә нефть-газ химиясе, суднолар төзү, вертолетлар һәм дөньякүләм танылган КАМАЗлар җитештерү үзәге буларак билгеле регион-лидерларының берсе. Республиканың икътисадый потенциалын ныгытуга Яр Чаллы халкы лаеклы өлеш кертә. Без мөһим социаль проектларны гамәлгә ашыруда актив катнашабыз. Автокалабызда бер-бер артлы яңа мәктәпләр, балалар бакчалары сафка баса. Торак йортлар, сәламәтлек саклау учреждениеләре, мәдәни объектлар, спорт сарайлары төзелә, юллар ремонтлана. 

Яр Чаллының иминлеге - шәһәр предприятиеләре һәм учреждениеләре хезмәткәрләренең, кече һәм урта бизнес, җәмәгать оешмалары вәкилләренең, шулай ук Россия Федерациясе һәм Татарстан Республикасы хөкүмәте безгә күрсәткән ярдәмнең уртак нәтиҗәсе. Ышанам ки, алга таба да барыбыз бергә, без яраткан шәһәребезнең лаеклы киләчәген тәэмин итәчәкбез, Татарстанның көчле һәм чәчәк атучы төбәк буларак позицияләрен ныгытачакбыз. Бәйрәм белән сезне, Республика көне һәм Шәһәр көне белән!

Н.Г. Мәһдиев, Чаллы шәһәре мэры.