Танылган якташыбыз Владимир Чагин өчен тавыш бирергә була

Татарстан Республикасында күренекле исемнәр, республика данын яклаучылар, төзүчеләр, үстерүчеләр һәм данлаучылар өчен тавыш бирү башланды. Чара ТАССР төзелүнең 100 еллыгын бәйрәм итү алдыннан үткәрелә.

Чаллылыларга йөк машиналары классы буенча «Дакар раллиенда» җиде тапкыр җиңүче, «КАМАЗ-мастер» узыш командасы җитәкчесе, «Ефәк юл раллие» проекты җитәкчесе Владимир Чагин өчен тавыш бирергә тәкъдим итәләр. Татар АССРы оешуга 100 ел тулу уңаеннан сайтта тавыш бирергә мөмкин. Тавыш бирүдә республиканың барлык районнары катнаша ала.