Бакчада эшләү файдалымы?

Табиблар белдерүенчә, бакчачыларның чүгәләп, баш иеп эшләве йөрәк өянәге, инфаркт һәм инсульт китереп чыгарырга мөмкин. 
Әгәр озак вакыт башны түбән иеп эшләсәң, кан йөреше бозыла, ә ул артериаль кан басымы күтәрелүгә, аңны югалтуга һәм инсультка китерергә мөмкин. Озак вакыт чүгәләп утыру шулай ук кан басымы сикерүгә һәм гипертоник кризга кадәр барып җитүгә сәбәпче була. Моннан тыш авырлык билгә, тезләргә төшәргә мөмкин. 

Әмма, моның өчен артык хафаланырга кирәкми. Фәнни тикшерүләр күрсәтүенчә, бакчада җай гына эшләү сәламәтлек өчен бик файдалы. Ләкин чама белән генә, көненә өч сәгатьтән дә артык эшләргә киңәш ителми.