1967нчы елгы кешеләр ничәнче елда пенсиягә чыга?

Газета укучыларыбыз “40 ел стажы булган, 1967нчы елгы кешеләр ничәнче елда пенсиягә чыга?” дигән сорау белән мөрәҗәгать итте. Россия Пенсия фондының Чаллы бүлеге матбугат хезмәте мондый җавап бирде.

Хезмәт стажы зур булган гражданнар пенсиягә вакытыннан алда чыгу хокукына ия. Хатын-кызлар 37, ир-атлар 42 ел стажга ия булган очракта картлык буенча иминият пенсиясен билгеләнгән яшьтән (тик хатын-кызлар өчен 55 яшьтән, ир-атлар өчен 60 яшьтән дә иртәрәк түгел) 24 айга иртәрәк алырга мөмкин.

1967нче елгы ир-атлар пенсиягә 2032нче, 42ел стажы булса 2030нчы елда чыга ала.
1967нче елгы хатын-кызлар пенсиягә 2026нчы, 37ел стажы булса 2024 нчы елда чыгарга хокуклы.