Чаллы егете, кеше машинасын урлап, авариягә юлыкты

“Исереккә диңгез тубыктан” дип юкка гына әйтмиләр. Андый затлар, чыннан да, бернәрсәдән дә курыкмый. Чаллыда 25 яшьлек егет тә хезмәттәшен һәм полиция хезмәткәрләрен аякка бастырды. Исерек килеш кеше машинасын урлап качты. Алай гына да түгел, юл-транспорт һәлакәтенә юлыкты. Ярый, зыян күрүчеләр юк. Тик машина танымаслык хәлдә. 23 яшьлек хуҗасына ремонт ясатырга туры киләчәк. 

Исерек каракны 48 компекста кулга алдылар. Аны җаваплылыкка тартачаклар. Җинаять эше кузгату турында уйлыйлар.