Бу юлы ул кошелёк урлап тотылды.
Чаллыда 46 яшьлек хатын-кызга карата җинаять эше кузгаттылар. Ул Тукай районы кибетендә бер ханымның сумкасыннан кошелёгын урлап чыгып кача. Зыян күрүче моны хәтта сизми кала. Азык-төлекне пакетка салган чагы була. Акча карагы эзенә видеокамералар аша карап чыгалар.
Полиция хезмәткәрләре әйтүенчә, бу инде беренче шундый очрак түгел. Әлеге хатын-кыз 1994 елдан бирле урлаша. 10нан артык очракта «эләктергәннәр».
Хатын-кыз гаебен таныган. Кошелёктагы 10 мең сум акчаны ул туздырырга өлгергән.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев