Чаллы театрының "Яратылмый калган ярлар" спектакле Казанның Г.Камал исемендәге театр сәхнәсендә күрсәтеләчәк

17 ноябрь 2017 - 05:13 Автор:

Главный редактор филиала

1347

IX "Һөнәр" Бөтенроссия яшь татар режиссурасы фестивале 2017 елның 9-14 декабрендә Казан шәһәрендә узачак. Спектакльләр Казанның 7 театраль мәйданчыгында : Камал театрының Кече һәм Зур сәхнәсендә, Яшь тамашачылар (ТЮЗ), "Әкият" курчак театрында, Актерлар йортында, "Угол" иҗат лабораториясендә һәм АРТХАБ арт- резиденциясендә. "Һөнәр" фестиваленә билетлар инде сатуга чыкты. Фестивальдә Россиянең әйдәп...

IX "Һөнәр" Бөтенроссия яшь татар режиссурасы фестивале 2017 елның 9-14 декабрендә Казан шәһәрендә узачак. Спектакльләр Казанның 7 театраль мәйданчыгында : Камал театрының Кече һәм Зур сәхнәсендә, Яшь тамашачылар (ТЮЗ), "Әкият" курчак театрында, Актерлар йортында, "Угол" иҗат лабораториясендә һәм АРТХАБ арт- резиденциясендә.

"Һөнәр" фестиваленә билетлар инде сатуга чыкты. Фестивальдә Россиянең әйдәп баручы педагогларның мастер-класслары оештырыла. Быелгы фестиваль кысаларында беренче тапкыр Татарстаннан һәм якын төбәкләрдән килгән яшь режиссерларның спектакльләреннән торган традицион программадан тыш, Россиянең әйдәп баручы педагогларның мастер- класслары үтәчәк.

Мастер- классларны һәм семинарларны заман театрының танылган белгечләре уздырачак. Алар арасында : "Небольшой драматический театр" җитәкчесе , "Алтын битлек" премиясе лауреаты , педагог, режиссер Лев Эренбург (Санкт-Петербург), 70-тән артык спектакльгә костюмнар һәм декорацияләр иҗат иткән, "Алтын битлек" премиясе лауреаты , театр рәссамы Юрий Хариков; (Мәскәү), "Алтын битлек" премияләре номинанты , мультимедиа режиссеры Наталья Наумова (Мәскәү).

Фестиваль кысаларында Яр Чаллы татар дәүләт драма театры 9-нчы декабрь көнне 17 сәгатьтә Г.Камал исемендәге Академия театрының Кече залында Булат Сәләховның "Яратылмый калган ярлар" спектаклен күрсәтәчәк. Режиссеры - Илсур Казакбаев.

chelnyteatr.ru