Лаеш районында кар барслары үрчетү үзәге ачыла

Төбәкара үзәктә үстерелгән барс балалары Саяно-Шушенский тыюлыгына күчерелер дип көтелә. Татарстанның Лаеш районында кар барслары үрчетү буенча төбәкара үзәк ачу күздә тотыла, дип хәбәр итә ТР Экология һәм табигать байлыклары министрлыгының матбугат хезмәте. Төбәкара үзәктә үстерелгән барс балалары Саяно-Шушенский тыюлыгына күчерелер дип көтелә. Шунысын да искәртик: Россиядә кар барсы - Амур юлбарысы яки Ерак Көнчыгыш капланы кебек үк сирәк очрый торган җәнлек. 2014 елда аны саклап калу өчен РФ Хөкүмәте тарафыннан махсус стратегия кабул ителде.