Мулла һәм аның гаиләсе янгында үлә

Быел янгын корбаннары аеруча күп. Инде Курган өлкәсенең Йолдыз авылында күпме кеше йортсыз, җирсез калды. 7 кеше вафат булды.

Башкортстанның Благовар районы Иске Күчәрбай авылында күңелсез хәл булган. Төнлә килеп чыккан янгында 74 яшьлек мулла Наил Нәбиуллин һәм аның гаиләсе һәлак булган. UFA1.RUга  мәгълүматларына караганда, янгын вакытында йортта мулланың 67 яшьлек хатыны, аларның 45 яшьлек үги улы һәм 16 яшьлек оныгы була. Беркем дә котыла алмаган.

Йорт тулысынча янып беткән. 

Фото: "МЧС по РБ"