Эквадор бананнарында бөҗәкләр тапканнар

5 февральдән Россиягә Эквадор бананнарын кертми башлыйлар. Россельхознадзор белдерүенчә, санитар нормалар бозылуы ачыкланган. Бананнарда инфекцияләр таратучы горбатка чебенен тапканнар. Ул он, соя, гөмбә, җиләк-җимешләр, балыкны зарарлый. 

Шуңа да карамастан бананнарга кытлык булмаячак, бәясе дә артмаячак, дип ышандыра белгечләр. Аларны Кытай, Чили, Филиппин, Африка кебек илләрдән алып кайтачаклар. 

9 февральдән Эквадор чәчәкләрен дә кертүгә чикләр куела.