Рөстәм Миңнеханов Чаллыны урап узучы М-7 трассасы төзелеше белән танышты

Төзелеш узган елның ноябрендә старт алды. Күпернең озынлыгы - 1,3 километр. Ул Яр Чаллы һәм Түбән Каманы урап узучы иң зур ясалма күперләрнең берсе булачак. Биредә эшләр кайный. Белгечләр баганалар урнаштыралар. М-7 "Волга" трассасы төзелеш барышы белән ТР Рәисе Рөстәм Миңнеханов танышты. 

Чаллы һәм Түбән Каманы урап узучы юл проекты 4 полосалы юл, 10 күпер, 5 киселеш, 11 юлүткәргечне үз эченә ала. Юлның гомуми озынлыгы 81 километр. Төзелеш 3 этапка бүленеп башкарыла. Кулланылышка 2024 елның азагына кадәр тапшырылырга тиеш.  

Фото ТР Рәисе Рөстәм Миңнеханов сайтыннан алынды