Коточкыч авария: трассада җиде зур йөк машинасы бәрелешкән

Алабуга районында М-7 трассасының 1014 километрында җиде йөк автомобиле бәрелешкән. Һәлакәт нәтиҗәсендә 3 кеше җәрәхәтләр алган, дип хәбәр итә ТР буенча Эчке эшләр министрлыгы матбугат хезмәте. Аларның тормышына берни дә янамый.

Беренчел мәгълүматлар буенча, бензовоз юл өлешендә ауган, шуннан соң аңа берничә автомобиль бәрелгән. ДТП нәтиҗәсендә Казанга таба хәрәкәт тулысынча ябылган, Чаллыга таба хәрәкәт ачык.

Урында Дәүләт автоинспекциясе хезмәткәрләре эшли.