Салкында машинаны җылытмый кузгалмагыз!

Урамда һава торышы -20 градустан түбән булганда хәтта иң яхшы дигән машина мае да (үзлелеге 10W 40) куерып, кисель халәтенә килә. Шуңа да белгечләр башта машинаны җылытырга, шуннан соң гына кузгалып китәргә киңәш итә.

"Мисал өчен, 5 сәгать дәвамында салкында торып суынган автомобильнең бары 9 минут буш килеш эшләп торганнан соң гына антифризы җылына, миче эшләп китә. 15 минуттан соң гына двигатель әйләнеше (оборот) нормаль режимга күчә", - ди автомеханиклар. 

Әлеге таләпләр үтәлмәгәндә транспорт чарасына җитди зыян килергә мөмкин.