Сентябрьдә чаллылыларны нинди һава торышы көтә?

«Хәзер календарь көз башланды, һава торышы кискен үзгәрә, температура фоны да кискен үзгәрештә. Киләсе дүшәмбедән башлап, температура климатик нормадан 4-5 градус түбән булачак. 5 сентябрьдән көндезге температура 14 градус, ә төнге температура 7 градус тирәсе булачак. Бу сентябрьнеке түгел, ә октябрьнең һава торышы», – диде КФУ профессоры, география фәннәре докторы Юрий Переведенцев.

Аның сүзләренә караганда, мондый һава торышы Россиянең бөтен Европа территориясенә арктик һава китерүне тәэмин итә торган салкын фронтның килүенә бәйле.

Чаллада да сентябрь буе шундый ук һава торышы хакимлек итәчәк. Кояшлы көннәргә караганда, явым-төшем күбрәк булачак дип фаразлый синоптиклар.