«Татар теленең аңлатмалы сүзлеге» авторлары Дәүләт премиясенә лаек булды

Премияләрне, дипломнарны һәм ТР Дәүләт премиясе тамгаларын лауреатларга Татарстан Рәисе Рөстәм Миңнеханов тапшырды.

Фән һәм техника өлкәсендә Татарстан Республикасы премиясенә 6 томлык «Татар теленең аңлатмалы сүзлеге» өчен филология фәннәре докторы, ТР Фәннәр академиясе вице-президенты Тимерханов Айнур Әхәт улы (проект җитәкчесе), филология фәннәре кандидатлары, ТӘҺСИнең лексикография бүлеге хезмәткәрләре Таһирова Фәридә Инсан кызы, Сабитова Илһамия Исламетдин кызы, Галимова Ольга Николаевна, Сафина Эльвира Ирфат кызы, Сәфәров Ринат Таһир улы, Гаффарова Фирая Фаяз кызы һәм Саберова Гөлзада Гарәфетдин кызы лаек булды.

Исегезгә төшерәбез, Чаллыда Россиякүләм сүзлекләр көне уңаеннан, галимә, сүзлекче Эльвира Сафина катнашында чара үткән иде. Бу хакта биредә укый аласыз. 

Фото: ТР Рәисе Матбугат хезмәте.