Шәһәр хакиме Наил Мәһдиев чаллылыларны бәйрәм белән котлый

Сезне Яз һәм Хезмәт бәйрәме белән чын күңелдән тәбрик итәм. 1 Май – Ватаныбыз иминлеге өчен тыныч хезмәт, бердәмлек гәүдәләнеше ул. Көн саен үзенең хезмәте белән илен һәм гаиләсен чәчәк аттыручы бөтен халык бәйрәме.

Язның шушы матур көнендә Чаллыны һәм КАМАЗны төзегән фидакарьләргә, үзенең намуслы тырыш хезмәте белән шәһәребез үсешенә лаеклы өлеш кертүче, уртак эшебездә уңай үзгәрешләргә нигез салучыларга рәхмәтләремне җиткерәсем килә.

Чаллыны яратучы шәһәрдәшләребез аның тарих битләрен матур эшләре белән бизәр. Чын күңелдән сезгә нык сәламәтлек тынычлык һәм иминлек телим. Һәр гаиләдә иминлек, мәхәббәт һәм бәхет хакимлек итсен.

Наил Мәһдиев, Яр Чаллы шәһәре хакиме