Чаллы укытучыларын Казанда хөрмәтләячәкләр

Казанның “Корстон” комплексында Укытучылар көненә багышланган республикакүләм бәйрәм үтәчәк. Анда Чаллыдан 38 педагог чакырулы. 

Шәһәребездә төп бәйрәм чаралары 5 октябрьдә башланачак. Каланың иң яхшы укытучыларын шәһәр мэры Наил Мәһдиев кабул итәчәк. 6 октябрьдә «Энергетик» мәдәният сараенда бәйрәм концерты да үткәрү күздә тотыла. "Нур" яшьләр үзәгендә исә яшь белгечләрне хөрмәтләячәкләр. Шулай ук "Аңлый торган укытучы" («Понимающий учитель») бәйгесендә йомгак та ясаячаклар. 

Бүгенге көндә Чаллыда 8797 педагог эшли, аларның 3900е – мәктәпләрдә, ә 3279ы – балалар бакчаларында.