Чаллыда хәрбиләргә кирәк-яраклар җыю пунктлары ачылды

Чаллыда хәрби хезмәткә алынучылар өчен кирәк-яраклар җыю пунктлары оештырылды. Алар «Нур» һәм «Заман» яшьләр үзәкләрендә, Чаллы татар дәүләт драма театры бинасында һәм «Титан» яшьләр клубында. Хәйрия пунктлары иртәдән кичкә кадәр эшли. 

Исегезгә төшерәбез, Украинада хәрби операция башланганнан бирле Чаллыдан гуманитар ярдәм йөкләре озатыла. Шуларның берсен шәһәр мэры Наил Мәһдиев хәрбиләргә үзе илтеп тапшырды. Шушы көннәрдә генә тагын бер йөк җибәрелде. 

Бу игелекле гамәлдән предприятие һәм оешма җитәкчеләре, эшмәкәрләр һәм гади шәһәрдәшләр дә читтә калмый. Исемлектәге (фото) әйберләрне пунктларга китерергә була.