Чаллыда бер кыз бала тәрәзәдән егылып төшеп вафат булган

Кыз 36нчы комплекста урнашкан йортның 10нчы катыннан егылып төшкән. Фаҗига көндезге 11нче яртыда була. Шаһитлар полиция хезмәткәрләрен һәм «ашыгыч ярдәм»не чакырта. 

Тикшерүчеләр кызның 9нчы сыйныфта укуын, аның тулы гаиләдә тәрбияләнүен ачыклый. Якшәмбе көнне иртән аның әнисе эшкә китә. Кыз өйдә әтисе һәм абыйсы белән кала. Фаҗига вакытында алар йоклаган булган. 

Әлеге факт буенча тикшерүчеләр эшли, һәлакәтнең нечкәлекләре ачыклана.