"Евровидение"гә җыенган Россия җырчысына Украинага керүне тыйганнар
Украина Иминлек хезмәте Русия җырчысы Юлия Самойловага өч елга Украинага керүне тыйган. Бу хакта "Интерфакс"ка Иминлек хезмәте вәкиле Елена Гитлянская хәбәр иткән. 2015 елда Юлия Самойлова аннексияләнгән Кырымга Мәскәүдән килеп чыгыш ясаган булган. Шулай итеп, урыс җырчысы украин канунын бозган, диелә. Украина канунына ярашлы, ярымутрауга бары тик Киев рөхсәте белән...
Украина Иминлек хезмәте Русия җырчысы Юлия Самойловага өч елга Украинага керүне тыйган. Бу хакта "Интерфакс"ка Иминлек хезмәте вәкиле Елена Гитлянская хәбәр иткән.
2015 елда Юлия Самойлова аннексияләнгән Кырымга Мәскәүдән килеп чыгыш ясаган булган. Шулай итеп, урыс җырчысы украин канунын бозган, диелә. Украина канунына ярашлы, ярымутрауга бары тик Киев рөхсәте белән генә керергә мөмкин.
Самойловага Украинага керүне тыю турында документлар әзерләнүе 20 мартта ук билгеле булган иде. Русия президенты сүзчесе Дмитрий Песков ул вакытта Русия "Евровидение"гә үз вәкилен алыштырмаячак, диде.
Юлия Самойлова балачактан ук инвалид арбасында йөри. Бәйгедә ул "Flame is Burning" җыры белән чыгыш ясарга тиеш иде. Киевта бәйгенең финалы 13 майда узачак.
Киев Кремль контролендәге Русия телевидениесенең Евровидениегә Украина канунын бозган җырчыны җибәрү карарын махсус оештырылган провокация дип бәяли.
Иң мөһим һәм кызыклы язмаларны Татмедиа Telegram-каналында укыгыз
