Файдалы кәнфитләр

Түбәндәге рецепт буенча әзерләнгән кәнфиттән куркып-шикләнеп торасы юк: ингредиентлары барысы да табигый. 
Кирәк булачак: 400-500 г кипкән җимеш (ниндие дә ярый), 100 г чикләвек, 3-5 аш кашыгы бал (сыек булса әйбәтрәк), 2-3 аш кашыгы көнҗет. 
Эш барышы: кипкән җимешне суда тотканнан соң иттарткыч аша үткәрәбез. Чикләвекне газ мичендә бераз гына киптереп алгач, ваклап турыйбыз. Кипкән җимешне чикләвек белән бутыйбыз. Катнашмага, болгата-болгата, әз-әзләп бал кушабыз. Шарчыклар әвәләп, көнҗеттә тәгәрәтеп алабыз һәм 3-4 сәгатькә суыткычка куеп торабыз. 

Фото ru.freepik.com сайтыннан