Россия Сәламәтлек саклау министрлыгы йөрәк авырулы кешеләрне бушлай дәвалау программасын киңәйтергә тәкъдим иткән.
Сәламәтлек саклау министрлыгы йөрәк-кан тамырлары авыруларын кичерүчеләрне бушлай дарулар белән тәэмин итү программасын киңәйтүне күздә тоткан Хөкүмәт карары проектын әзерләгән. Бу хакта “ТАСС” министрлыкның матбугат хезмәте мәгълүматларына таянып яза.
Биредә сүз инсульт, инфаркт, йөрәгенә операция кичергән, кан тамырларына стент куйдырган һәм канында липидлар (майлар) концентрациясе бозылган, ягъни холестерины бик нык күтәрелгән кешеләр турында бара. Аларга дәвалану өчен бушлай дарулар бирү күздә тотыла.
Министрлыкта күздә тотылганча, бу йөрәк-кан тамырлары авыруларының кабатлану ихтималын киметү мөмкинлеге бирәчәк. Хәзерге вакытта дарулар белән бушлай тәэмин итү программасы түбәндәге биш төрле йөрәк-кан тамырлары авырулары һәм операцияләр: инсульт, инфаркт кичергән, йөрәк-кан тамырлары авырулары буенча катетер, шунт куйдырган һәм коронар артерияләренә стент белән ангиопластика ясаткан сырхауларга гына кагыла.
Тулырак:https://vatantat.ru/news/darularny-buslai-alucylar-isemlegen-ozaityrga-yenalar-120436
Нет комментариев