Иртәгә ярминкәләрдә бәяләр тагы да арзанрак булачак

Яр Чаллыда иртәгә 17 сентябрдә көзге ярминкәләрнең чираттагысы үтә. Аны бу юлы шәһәрнең 4 урынында оештыралар. Камал бульвары, "Южный" базары, Сарман трактыннан тыш, Сидровка бистәсендәге "Чаллы-Икмәге"кибете каршындагы мәйданда да беренче тапкыр авыл хуҗалыгы хезмәткәрләре җитештергән ризыклар сатылачак. Бу ярминкәдә сәүдә итү өчен Татарстаның 14 районыннан киләләр. Сәүдәдә ит, бал, он, ярмалар, сөт ризыклары күп булачак. Шунысы мөһим бәяләр тагы да түбәнрәк булачак, диләр оештыручылар. Кибетләрдә, базарларда,сәүдә үзәкләрендә дә әле мондый хакларның булганы юк, дип өстиләр. Бу аңлашыла да сайлаулар алдыннан барысы да булырга мөмкин. Барлык шәһәрдәшләрне көзге ярминкәләргә чакырабыз