Көзге каникуллар кайчан башлана?

Әле генә Белем көне иде. Киләсе атнадан көзге каникуллар башланачак. Татарстан мәктәпләрендә укучылар быел 28 октябрьдән 6 ноябрьгә кадәр ял итәчәк.

Шулай ук ТР Мәгариф министрлыгы кышкы һәм язгы каникуллар вакытын да раслады. Тәкъдим ителгән график буенча, Яңа ел каникуллары 30 декабрьдән башланып 8 гыйнварга кадәр дәвам итәчәк. Язгы каникуллар 23 марттан 31 мартка кадәр сузылачак.

Мәгълүм булганча, беренче сыйныф укучыларын өстәмә каникуллар да көтә. Алар февральдә 17 сеннән 25 енә кадәр ял итәчәк.

Соңгы мәгълүматларга караганда, республикада барлыгы 1 408 мәктәп һәм 511меңнән артык укучы бар.