Яңалыклар тасмасы
Өч көн дәвамында Татарстанда һава торышының көйсезләнүе көтелә
Бүген көндез җил көчәя һәм яшенле яңгыр явачак.
Татарстан Гидрометеорология һәм әйләнә-тирә мохитне күзәтү идарәсе алдагы өч көндә республикада нинди һава торышы булачагын җиткерде.
Бүген 9 майда Татарстанда көндезге һава температурасы +28 градуска кадәр күтәрелә. Казанда – +26, Чаллыда +28 градус җылы.
Һава торышының көйсезләнеп алуы да фаразлана: көндез урыны белән яңгыр, яшен булуы көтелә, көньяк-көнчыгыштан искән җилнең тизлеге көнчыгыш районнарда секундына 24 метрга кадәр җитәчәк.
10-11 майда төннәрен яңгыр, иртән һәм көндез яшенле яңгыр, көчле җил көтелә. Көндезге һава температурасы +18..+23 һәм +17..+22 градус булачак.
Чыганак: Шәһри Казан
Следите за самым важным и интересным в Telegram-каналеТатмедиа
Нет комментариев