Рәфкать Бильданов: «Фотографлар, артыгын кыланмагыз!»

Шушы көннәрдә интернетта  кызының чыгарылыш альбомы өчен акча түләүдән баш тарткан һәм шул сәбәпле фотоларсыз калган әни кеше турында хәбәр таралды. Бу вакыйга Уралда була. Фотога төшәргә вакыт җиткәч, аның кызына фотограф: «Син акча бирмәдең, без сине төшермибез, “свободна”» дип кенә әйткәннәр. Бу хәлгә Чаллының танылган фотографы Рәфкать Бильданов та битараф кала алмаган. 

– Фотографлар! Артыгын кыланмагыз! Хәзер кызларны Кызыл китапка язарга кирәк, – дип, үз фикерен белдергән ул.