Роспотребнадзор Чаллының берничә мәктәбендә җитешсезлекләр тапты

Роспотребнадзор белгечләре Чаллының дүрт балалар бакчасына һәм ике мәктәбенә тикшерү белән килде. Алар ковидка каршы санитар таләпләрнең үтәлешен карады. Балалар бакчаларында җитешсезлекләр табылмады, мәктәп җитәкчеләре исә административ җаваплыкка тартылды.

Шәһәрнең баш табибы Илгизәр Бариев әйтүенчә, 17нче мәктәптә ашаганнан соң савыт-сабага дезинфекция үткәрелми, ә 19нчы мәктәптә сыйфатсыз дезинфекция чаралары кулланыла.