Шəhри Чаллы
  • Рус Тат
  • Тагын янгын: бу юлы сыерлар, бозаулар һәм 200 бройлерны харап иткән

    Узган төндә Чакмагыш районы Яңа Бирде авылына кергән җирдә малчылык фермасында янгын чыккан.

    “Янгын урынына кичекмәстән Рәҗәп, Балтач, Юмаш һәм Тайняш авыл биләмәләренең ирекле янгын сүндерү командалары һәм башка ашыгыч хезмәтләр юнәлтелә. Янгын подразделениеләре килеп җитүгә 900 кв.метр мәйданда ферма янган булган. Ут чыкканда бинада 50 баштан артык эре мөгезле мал исәпләнгән”, — диләр РФ Гадәттән тыш хәлләр минстрлыгының БР буенча матбугат хезмәтендә.   Янгынны сүндерү көчле җил белән катлауланган. Бәхеткә, каза күрүче кешеләр юк. Әмма 10 сыер, 11 бозау, 1 ат һәм 200дән артык бройлер ут корбанына әверелгән шул...  

    Вакыйганың сәбәпләре ачыклана. Янгын урынында сынау лабораториясе белгече һәм Гадәттән тыш хәлләр министрлыгы дознавателе эшли.

    Автор : Әлфия Шакирҗанова , Өмет

    Чыганак: bashinform.ru

    Фото: Гадәттән тыш хәллләр министрлыгының БР буенча матбугат хезмәтеннән. 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: