Һәр балага акчалата сертификат тапшырдылар.
Иске Җирекле авылы мәчетендә истәлекле вакыйга булды. Тукай районында яшәүче 32 балага мәктәп кирәк-яраклары сатып алуга 2 мең ярым сумлык сертификат тапшырдылар.
Әлеге изге гамәл "Ихсан" хәйрия фонды белән ел да тормышка ашырыла. Проект "В школу без забот" дип атала. Максаты - аз керемле һәм күп балалы гаиләләргә иганәчеләр ярдәмендә мәктәпкә әзерләнүдә ярдәм итү.
Тукай районы имам-мөхтәсибе Инсаф хәзрәт Сәүбәнов балаларны яңа уку елы башлануы белән котлады һәм аларга изге теләкләрен җиткерде. Шулай ук әти-әниләрне ихтирам итәргә кирәклеге турында ассызыклады.
Әлеге күңелле чара мул табын белән дәвам итте. Балалар әти-әниләре белән бергә пылау, тәм-томнар белән сыйланды.
Тукай районы мөхтәсибәте фотолары
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев