Тукай районында эшмәкәр хатын-кыз эшчеләрен алдаган

ТР Тикшерү комитеты Тукай районының 41 яшьлек клининг фирмасы директорына карата җинаять эше кузгатты. Ул 29 эшчесенә хезмәт хакын түләмәүдә гаепләнә. Аның 600 мең сумга якын бурычы җыелган.

Тикшерү комитеты җитәкчесенең өлкән ярдәмчесе Андрей Шептицкий белдерүенчә, эшмәкәр хатын-кыз үз гаебен таныган. 165 мең сумнан артык зыян күләмен каплаган. Моннан тыш, аның 451 мең сумлык милегенә арест салганнар.  

Җинаять эше судка җибәрелде. 

Тагы да кызыклырак яңалыклар - "Шәһри Чаллы" газетасының Телеграмм каналында