Йорт хуҗалары берничә көн мәет «астында» яшәгәнен белмәгән…

11 июньдә Уфаның Совет районындагы йортларның берсендә яшәүчеләр коточкыч хәлгә юлыккан. Чормада билгесез бер ир кеше гәүдәсе табылган. Үлгән ирнең үзе белән бернинди документлар да булмаган. Тышкы кыяфәтенә карап, һәлак булган ирне йортсыз булган дип әйтергә мөмкин. Гәүдәсе таркала башлаган. Табиблар ирнең табылганчы өч-дүрт көн эчендә үлгән, дип фаразлый. Үлемнең төгәл сәбәбен судмедэкспертизадан соң әйтергә мөмкин булачак. Килеп чыккан хәлне тикшерү белән полиция шөгыльләнә.

Чыганак: Кызыл Таң