Ул бу хакта үзе хәбәр итте.
Америкада яшәп иҗат итүче җырчы Гөлназ Батталова гаиләсендә сөенечле вакыйга: ул икенче тапкыр әни булган.
Шатлыклы хәбәрне җырчы социаль челтәрләрдә җиткерде.
«Без бүген 2 тапкыр бәхетлерәк гаиләгә әверелдек. Безнең улыбыз туды. Бу дөньяга рәхим ит, улым», – дип язган җырчы.
«Ямьле» төркемененең элеккеге солисты Америкага баргач булачак ире Алекс белән танышкан.
Яшьләр 2022 елда мөнәсәбәтләрен рәсмиләштерде. 2023 елда Лос-Анджелеста туй үткәрде.
Шул ук елның октябрендә аларның кызлары туды, аңа Эмма дип исем куштылар.
Хәзер Гөлназ белән Алекс – 2 бала әти-әнисе. Балаларын пар канатлы бәхетле гаиләдә үстерергә насыйп булсын аларга.
Фото: скриншот
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев