Бавырсакны духовкада да пешереп була

5 йомырканы миксер белән күпертәбез. Шуңа 1 аш калагы көнбагыш мае кушабыз. Чәй калагы очына эләктереп сода белән уксус салабыз. Миксерны сүндереп, ипләп кенә иләнгән он салып, болгатабыз. Камыр бик каты булмасын, артык җәелеп тә китәргә тиеш түгел. 20 минутлап ял иттерәбез. Камырдан баулар тәгәрәтеп кисәбез. Майлы табага куеп барабыз. Бавырсаклар өстенә җылы май агызып, духовкага тыгабыз. Ишеген берара ачып болгатып алырга кирәк. Пешеп җиткәч алабыз.