Дымлы салфеткалар белән мавыкмагыз

Дымлы (влажные) салфеткаларның кеше сәламәтлегенә зыяны да бар икән. Аларның структурасын, дымлылыгын саклау өчен җитештерүчеләр төрле матдәләр куллана.

Мисал өчен, метилизотиазолинон (эремәдә бактерияләр һәм гөмбәләр кермәсен өчен кулланалар) — аллергик реакция китереп чыгарырга мөмкин. Бигрәк тә балалар һәм сизгер тиреле кешеләр өчен зарарлы.

Феноксиэтанол – аллергия һәм тире белән җитди проблемалар, экзема барлыкка китерүе бар.
Триклозан – эндокрин системага начар йогынты ясый, табигый антибактериаль барьерны җимерә.

Парабеннар – көчле аллергик реакция, гормональ тайпылышлар чыгаруы бар.

Фталатлар – эндокрин системага тискәре йогынты ясый.

Өслектәге актив матдәләр — тире япмаларының табигый барьерын бозарга һәм тиренең вакытыннан алда картаюына китерергә сәләтле.

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).