Шәһри Чаллы

Яр Чаллы шәһәре

Киңәш-табыш

Җиләк җыючыга киңәшләр

Җиләк җыючыга киңәшләр

Бу ялларда ук инде чиләк-кәрҗин тотып урман-болыннарга җир җиләге җыярга баручылар да булыр. Чиләкләрегез тулы, күңелләрегез көр булсын өчен игътибарыгызга берничә киңәш бирергә булдык.

– Җиләкне иртәнге якта, чык кипкәч, яки көннең икенче яртысында җыялар.
– Җиләкне иң яхшысы кәрҗингә җыю.
– Әгәр дә җиләкле урында кеше эзләрен күрсәгез, «монда беткән инде» дип китә күрмәгез. Бер-ике тапкыр йөрелгән җирдә җиләк эрерәк була, чөнки кояш инде аларны күргән.
– Җыелган җиләкне күләгәгә куегыз. Шул ук вакытта аның өстен капларга кирәк. Җиләккә һава керергә тиеш түгел.
– Җиләкне бер савыттан икенче савытка күчерергә киңәш ителми. Ул тиз карала һәм искерә.
– Җиләк тулы савытны җилле урынга да куймыйлар. Җил тәэсирендә ул сок бүлә башлый һәм тизрәк бозыла.
– Җиләккә барганда сөт ризыклары ашамаска кирәк. Сөт кислотасы тир белән бүленеп, чебен-черкине җәлеп итә.
– Чебен-черкидән саклану өчен махсус крем-спрейлар сибәргә дә була. Шулай ук «Звездочка» бальзамы, ванилин кушылган крем да чебен-черкидән саклый.
– Иң мөһиме: җиләккә машина белән барсагыз, ачкычын үзегез белән болынга алмагыз яки бик ышанычлы кесәгезгә салыгыз. Әгәр төшеп калса, эзләп табуы ай-һай авыр булачак.
– Телефон белән дә сак булу сорала. Болынга телефонсыз чыкмау хәерлерәк. Алсагыз, аны да бик нык саклап йөртергә туры киләчәк.

 

Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса