Телне йотарлык манный пирогы (манник)

Кирәкле ризыклар:
•    Манный ярмасы – 1 стакан,
•    кефир – 1 стакан,
•    йомырка – 2,
•    ак май – 150 г.,
•    шикәр комы – 1 стакан,
•    он – 1,5 стакан,
•    чәй содасы – 0,5 чәй кашыгы.

Әзерләү:
Иң башта 1 стакан манный ярмасына 1 стакан кефир салып болгатыгыз. Өстен ябып, 40 минутка кабарырга калдырыгыз. Шул массага 2 йомырка, 150 г йомшарган ак май, 1 стакан шикәр комы өстәп, блендер белән яхшылап болгатыгыз. Соңыннан сода (сүндермибез!) һәм 1,5 стакан он салып, камыр әзерләгез. 180 градуска кадәр җылытылган духовкада 30–35 минут пешерегез.
 

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).